近排覺得好lost....
先黎自家身體狀況, 踏入羊年Day 1起不斷病到到今日!!! 由廿九幾年未試過發燒, 到人在旅途仲要在海中央時....發燒發足三日!!! 可能童年慘痛回憶啦....好怕好怕發燒!! 小學一年級前, 我係每個星期都發高燒, 係103 / 104C...每個星期或至少兩星期一次!! 可能因為咁.....燒到宜家個人蠢蠢地! 我都吾想~~~
又正正因為果陣成日燒, 好細個我已做手術切左扁桃腺, 據聞...醫生話吾會再成日發燒喎~~~~ 但, 近日讀緊個中醫藥養生既課程, 又正正講到..."扁桃腺"係人體既一個alarm, 有起咩事, 會去alert你! 又其實, 如非必要, 係吾好做手術切除! (扁桃腺能幫助預防受感染的組織透過口腔（如食物或空氣）入侵身體)
咁....我終於明白點解我咁多病痛!
咁, 除左身體各樣問題外, 原本每個月總有兩三次既踩單車, 學畫....都因朋友出國工作/轉行而一一暫停所有活動. 至於我本人之運動大計亦因傷手傷頸巳停左十個月.
Lost係因為好似今年除左返工放工睇醫生之外......好似冇乜野好做. 當然, 朋友間之飲食飯局還是有! 但....踩單車/學畫/workout 以外, 其實係一d 好高quality of time既朋友相處時間. To be honest, 上兩年, 我係好感恩識到呢班buddies!!
仲記得踩車buddy話, 好enjoy放工夜晚係吐露港踩車, 吾止係enjoy技術上快與慢, 而係經過一日工作既辛勞, 踩車令佢放低工作既煩惱, 身心都舒服d! 其實, 自己又何嘗吾係一樣!
至於學畫, 由火柴人開始學起....技術上由畫蘋果吾似蘋果, 到今日d畫, 遠睇都見得下人! 當然好多謝我老師耐心教導! 而一心學畫去陶冶性情, 訓練下自己耐性外....又bonus地識到幾位啱傾啱講既同學仔! 學畫又演變成幾個同學邊畫邊互說逸事....講講下, 就短短五年, 原來大家都一齊經歷好多好多人生大事!!!
學畫老師與同學, 係對比由細識/玩到大既high school好友之外, 另一班我好感恩識到既朋友! 平時極少口中說愛, 但我真心愛你們喔！
另外，另一位由細玩到大無所不談之buddy，亦快將由HK working base變做澳門working base....雖然只係一海之隔。。。
或者係因為近月不斷病令個人正能量偏低, 又或只因我個人太過感性, 以上總總改變, 令我好lost~~~
雖然知道世界不會因你而變, 亦明白以上改變其實亦是友人們的一些新發展, 所以.....我只容許自己lost一陣, 之後要好好計劃自己, 照顧好自己身體,
當您好好愛自己的時候, 愛您的人自然出現!
I Love You all!
