我的至愛

我的至愛永遠會係我的狗狗!

波子(左邊)其實已係我養過既第五隻狗狗, 今年五歲仔, 脾氣仔, 百厭仔, 極痴我, 煩死人, 但....我好愛佢!

細細 (右上) , 同 Bonbon (右下) 同時期"開始"養, 但, 細細係加國家人養, 再移民番香港, 同bonbon係香港一齊再住好幾年. 兩隻都先後已經走左.

另外兩隻, 一隻再之前係同男朋友係加國一齊養, 跟男朋友住. 另一隻養Bonbon前的魔天使, 養左吾夠兩星期狗瘟走左.


細細, 係一隻極之貪食的小朋友, 曾經一個人 ( i mean 一隻狗) 用手拆開金莎朱古力d錫紙, 一個人食左一盒十幾粒金莎都冇事.  亦有一個人食一盒上海粗炒同一次過食四隻菠蘿包之創舉! 至於.....自己開狗糧自己食, 食到個肚脹哂反轉郁都郁吾到呢d.........算小事一則.

大件事只得一件, 可一不可再....偷食布"林"吾識吐核....click住條腸, 做完手術後就捱吾到. 果陣, 佢得8歲仔.

細細突然走左, 一家上下好shock好吾開心好愁雲慘霧......但, 再到Bonbon, 十一歲半, 因為cancer, 因為係我一手一脚照顧佢十一年多....之前膀胱石做手術已令我訓練到半夜有dd脚步聲都會9秒9秒彈起身. 一年多後再因為cancer, 睇住佢點由健健康康..........到走下坡, 到.......係我手上離開......................就算Bonbon走左六年幾七年, 到今日, 講起d點點滴滴, 我仲喊得出.





點解突然又提起?

因為Bonbon, 想當年我識左好多狗朋友 (養狗的人類朋友), 當年, 狗狗群中, Bonbon最大, 五/六歲左右. 我, 係第一個要面對至愛有大病, 要做手術, 要離開....當時, 經曆過好多好多. 曾經一整個月,多咀街如我, 都無乜點講野一整個月!

近年, 狗友們開始要面對狗狗有病的病, 走的走...令我再次憶起種種!


狗狗永遠吾止係一頭狗, 一款竉物...狗狗係我地既家人, 至愛!



願我身邊所有狗友們enjoy同你地既至愛每分每秒! 就算佢地走左, 佢地都一定記得!



p.s. Bonbon走左一個多月後, 心情略為穩定時, 有一晚夢見Bonbon (走左後一次都冇見過), 見到Bonbon係一大片草地玩得好開心, 周圍跑, 仲跑到好遠...平時佢跑遠dd就會番黎揾下我, 吾洗我擔心. 但, 果次佢跑到好遠之後, 回頭, 望住我伸脷笑到眼矇矇之後....就跑走左.

我知道Bonbon想話我知佢冇事, 好開心, 叫我吾洗擔心! 我知的.