[讓孩子輸在起跑線] 藝展, 點滴

一個, 我好榮幸有份參與的藝展, 終於完滿結束。

一連五日的藝術展覽, 我...去足五日!




窩心好友知我玻璃人命格, 又知我, 其實仲病緊....都有叫我, 吾洗去o甘多日啦! 畫展既野...自己行自己睇, 係....要靜靜地嫁嘛! 你..........返去.......瞓下把啦 ~~

其實是咁的.....呢個藝展由3個月前開始之時.....自問, 可以幫到手的前期功夫實在無乜 (如果, 買甜品比老師食都計的話就有) , 自己諗自己可以畫乜, 可以點畫...己經夠忙! 好啦, 到終於畫完兩幅, 正諗住畫多兩幅之時就開始斷斷續續發病...

一年病一鑊金, 再加手傷, 再加出trip外遊返來之高原反應......上天好似比緊一個考驗我! 拿....你頂到你過到就升level啦!

相信今次我, 我們的藝展, 都通過考驗!! 因為, 5日之藝展, 大約有1800 ~ 2000人到訪!!! 而更令我覺得今次舉辨成功, 吾止係有呢個數字既人次, 係....d作品, 吾係單單比人讚畫得靚, 造得靚....而係如老師所說: "作品能引起大家的討論，我認為也就完滿了；你的看法是否如作者所想，根本毫不重要。"

就我自己果兩幅, 我係親耳聽到路人甲 (即係吾係造馬的自己友)話....我的畫令佢反思, 覺得好有意思! 真心覺得, 我的畫功實在仲係: "遠睇跨啦啦, 近睇麻麻啦" 既stage! 但, 別人一句: 你幅畫, 好有心思! 嘩~~~~ 果下好想抱一抱阿路人甲!!! 好感動呀!!! 

又所以, 點解我企足五日, 去足五日! 因為自知之前的功夫幫吾到d咩手, 可以做的, 就是現身5日支持; 其他同學, 老師的朋友們在前/中/後期各就各位....大家分工合作, 就等我做下導賞員吧!
 

亦好慶幸, 自我安排做左5日導賞員, 雖然.....真係好攰, 但, 攰得來好充實! 正正因為我5日都係度, 好開心可以親身招乎各方好友!! 呢5日, 好吾好意思地不斷係FB洗板, post 各方友好的合照! 再翻看時先發現, 原來大約共有四十多五十人來支持!! 

******************************************** 多謝你地呀!!  *********************************************


題外話:


曾幾何幾時, 見朋友們的wedding party大都分身不暇, 未能同每一分來賓傾下計, 幾close都好, 多數只可以講句: 招乎吾到 , 飲多杯, 多謝你黎呀..... 自我幻想地, 如果我有結婚的一日, 最好就去旅行結婚; 如果要攪一個wedding party,  我希望既係, 可以真真正正同每一位來賓傾下計, share下!

婚....就短期都未到我結; 但, 今次藝展, 實在做到我可以同八九成朋友傾到計, share到! 同埋, 好有趣既係, 係現場發現, 原來我好多朋友都係互相認識! 我覺得, 周圍招乎朋友, share個感覺實在太正!!! 






 

I love you all!! 





p.s. 老師, 再次多謝你俾呢個機會我, 由只識畫火柴人到跟住實物/風景畫畫畫到今日的創作! 自我覺得今次應該由幼稚園升左上小學! 更多謝你比我呢個有排都未嫁得出, 但預先預演周圍招乎朋友之感覺! 多謝你!