做運動身體好

做運動身體好 = 鬼吾知咩?

三歲都知做運動身體好啦! 但..........知易行難嘛!

雖然我一向之來都叫做有"郁下", 但...一個月踩吾夠3次30K既單車.....老實講, 以果一日踩30K去計, 就梗算係運動, 但..........果一個月3次! 吾算啦!

back 番玩踩車之前keep住五年以來, 一星期打到3次保齡......運動量叫做有, 但只可以叫做有好過無既運動啦! 因為, 此終都吾係帶氧運動! mmmm.......再back番玩保齡前, keep住又係5, 6 年玩Yoga; 都係果句啦, 有郁好過無咁囉!

另...間吾中幾個月行果一次半次山, 耍太極耍到似跳舞耍左半年...

除左呢d"運動"之外, 其實, 好多"球類"運動我都啱玩! .吾...........除左先天不足既籃球啦! 羽毛球, 網球, 壁球板我屋企都有! 乒乓波就............曾幾何時係校隊添! 但, 我相信, 就連我d中學同學都吾係好知我係校隊! XDDD

訝....另一次同high school同學d仔女去溜冰, 為左方便教佢地, 我溜後拖住佢地滑時.....我frd都好surprise乜原來我識溜冰!!! roller-blade呀溜冰呀.........其實我10歲8歲己自學識啦!   學識好易姐, 學精就話難, 玩到咪得囉!

突然醒起, 柔道同劍擊我都玩過下.......又, 有冇人信呢? 不過, 簡單黎講, 凡吾洗讀書既野, 我都有機會玩過學過.........係一d都吾奇既~~


講下講下, 好似講到自己係運動健將咁....實情所有so-called既運動, 都係玩玩下居多, 就算持久玩左好幾年果d, 又吾係帶氧運動, 所以.........統統運動量都吾夠!

又所以.........我一直以來身體都吾好, 一直以來都病病病....亦所以, 我一向吾洗減肥; 因為, 就算肥左, 久一久病一病, 即瘦!


但, 再長持落去真係吾掂! 有健康既身體不單單係為自己, 同時係為你身邊既人。先吾講你病左需吾需要人地照顧擔心, 但, 身邊既家人呢, 長輩呢? 佢地有頭暈身興之時, 你自己又暈下暈下, 咁點算?

呢樣野係我响前年x'mas突然醒覺的! 因為, 前年x'mas前, 我父親大人突然患有重病, 極之需要身邊家人健健康康以防止佢加重病情; 更甚既係, 我亦需要一連六個星期, 每星期一日陪同入院貼身照顧!

正正係極度需要我有健康既身體之時, 我又好"normal"的病左, 其中一晚半夜我仲由好"normal"的冬天一定有既氣管炎變為哮喘!! 仲要係嚴重到要要call白車入院即時吸氧的水平! 但......最終我頂到天光, 扮一般感冒去門診!

果次其實我好危險, 亦絕對吾可以再有下次; 只係, 果次, 果個moment, 我屋企真係吾容許有多個病人, 仲要再嚇一嚇佢地我要call白車.

咁...吾想再有下次我可以點? 除左係度問定d frd邊個電話係夜晚係長開, touch wood有事可以call去求救之外..........


就係認認真真的去做運動啦!!


所以好多人問我係咪keep fit減肥為左上圖既人魚線馬甲線所以去做運動? 順便keep到吾好太FAT又無所謂, 但想健健康康先係重點!




題外話...

所以我好怕d男人一有病就會搬出一副疑似好man好型的樣話吾理, 吽好佢就算! 又或者己明明咳到無命仲食煙 (我最憎煙味的!!!), 飲酒, 總之亂食野仲疑似好man好型的話, 無事既, 我從來吾介口的!

一個連自己身體都吾識好好照顧自己既人, 請問你又點照顧我?

就算我同你只係普通朋友,  我個人覺得...識得照顧自己既人先至係有責任心既人! 我話既~~