愛我嗎?

早陣子見朋友在家整朱古力, 好些話要整定學定情人節送比情人云云....

果刻突然好想整, 但.......吾知可以送俾邊個之下, 九秒九同朋友夾個期, 上佢屋企偷師!

朋友話: 你想情人節送比人但又吾知送俾邊個? 好神奇, 整左就知嫁啦!


咁.....認真想想: 其實新既一年就到, 情人節又好乜節都好啦! 節日, 其實都係一個借口俾你係百忙中停一停關心下你身邊既人! 當然, 你可以話好多野平日都可以做, 吾一定等咩節日. 全年364日吾做, 等情人節先做D野.........咁就梗係過份左. Make it balance啦!

至於我, 馬年就過, 係過去既一年, 身邊除左家人, 仲有好多好多愛我朋友! 情人節, 都係想比個機會你, 提提係對愛你既人表達一下! 所以, 今次我去偷師整朱古力, 正正係想送比愛我既朋友們!

雖然我叫朱古力姐姐, 但...正式黎講係第一次整朱古力! 曾經學過一個一年制整蛋糕課程, 叫做學過一堂半堂, 但印象吾深. 今次比較正式去做. (特別多謝友人小糖用心指教)

朱古力, 食...........就半秒吾洗啪入口; 但整呢就..........少d心機都吾掂! 以我整第一款三十多粒, 玩左成兩粒鐘! 雖然吾係咩體力勞動, 但.....都要事事專心留意, 發一陣白日夢睇少半眼..........哎吔! 其中一款餡料比我整衰左, 成盤掉得, 從新做過!!

所以呢...收到朱古力既友人們, 果半秒係我成斤重既心機黎嫁!! 我亦吾係貪得意又學樣野, 而係認真有目標先去整嫁!



有趣題外話:

友人W: D心心好靚喎!
Me: 梗係靚啦, 我比我個心你呀嘛~~

友人G: 我有冇心心呀?
Me: 你愛我 我咪俾我個心你囉~~~
友人G: 我愛你我愛你我愛你!!
搭訕 K: 我都愛你愛你愛你愛你

 啡友W: 依....你咁既樣, 你黎做乜?
 Me: 送個心俾你呀, 仲有K, 你都有!
啡友K: 等我回個禮比你, 朱古力粉好嗎?
Me: 有回禮梗好!


哈哈!! 睇黎....近日呃都好多人愛我!