文字溝通

miscommunicate, misinterpret, misunderstanding........近兩年親身感受到. 因為近兩年我轉左用iphone. 無可避免亦真係方便地用多左好多好"texting"去同別人"溝通".

其實一直以來覺得用文字同別人溝通無乜大問題, 因為我係十年前就係一個活生生既好例子:  當時, 仍未有FB, 未有智能電話時, 興起一片寫blog熱潮, 不同blogger有不同寫blog之題材: 有些喜歡天馬行空寫小說, 有些介紹自己專長同人分享 (咖啡/整蛋糕/小手工), 有些寫寫自己與寵物之趣事, 有些只簡單地記下每天工作/朋友之有趣/無趣事. 咩題材都好, 重點是出文密, 有些每日一篇, 有些最少一星期也有一篇, 所以不用長時間, 半年左右, 你自會從這些密集既文章中, 大約了解一個人. 當然, 那陣子blogger之間更有互相留言, 也確確實實的加快大家之了解. 

所以, 當這班人半年後約出來面對面之gathering後, 不用多久, 好些能真正交上變為現實的朋友. 我的例子是, 今天有一半的好友, 就是從當天認識得來!

正正因為咁, 到近年興起之FB, whatspps, wechat等等之文字溝通不以為意, 覺得...十年前也可以因為"文字"去去解別人, 今天, 應該也可以吧! 尤其今天的科技更好, 綠燈定紅燈, online定offline一目了然! 大家text來text往之餘, 仲有好多好多有趣icon/公仔可以加強感覺!!! 理應...理應溝通得比一篇篇水蛇春咁長之blog文更存神吧!

但, 事實呢?

科技越是先進越快, 並不一定等同人與人之間之距離拉得更近. 尤其係一些本身了解並未深厚的朋友... 他傳你的一個笑臉 " =) " hahaha, 他真是正在笑嗎? 他一句: never mind, will see how's it work, 意思真是無所謂嗎? 他一句: will check my schedule & come back to u, 真的會去check會覆你嗎?  又或一句: 下次去XXX度, 叫埋我啦! 真係想你叫佢?

以上種種句句, 相信, 一般人覺得只係客氣說話, 尤其只係texting果幾隻字, 睇完咪算! 仲乜我要走去上心, 走去諗人地真定假, 假又如何? 無傷大雅, 又吾係鬧你. 但我而言, 我吾係做緊野, 見緊個客, 做得朋友, 乜吾係交個心出黎既咩?

我好傻, 人地答我會再覆再睇情況, 我真係隔一排去follow up; 人地話下次去, 叫埋佢, 我又真係傻更更下次叫埋人; 但, 換來的係....follow up一次, 答我will see later, 但later再later再later 都never see again~~~. 叫埋人, 就叫左都吾應.

我本人, 一向得就講得, 未知住再覆就真係....再...會...去...覆...人.

明明, 十年前由網上的blog文開始, 可以識到一大班朋友, 但宜家科技仲好仲快, 但反而文字上溝通上出現更多miscommunicate, misinterpret, misunderstanding?

上年早陣子的一套戲, 感受更深, "觸不到的她(HER)".  今日科技雖未去到對答如流, 但, 以文字計, 就算你同對方日日夜夜text來text往, 有較深入之對話, 以為已建立深厚感情. 但, 如"HER"一樣, 那些text, 可以同一時間text俾十個八個 (HER仲多). 對方真係當你好友所以同你share? 定只因你剛啱係"online"? 我覺得, 某程度上, HER係一個樹洞, 如果吾親身多見面, 或真人多對話. 有一日, HER要delete, 係咪等如冇左呢個朋友, 而那份"感情"係咪亦可即時delete, 當個舊apps壞左, download個新apps?

以上種種, 我再重申, 係apply落一d本身了解並未深厚人仕; 但當然, 就算幾close都好, 只文字/icon溝通, 亦會有以上問題! 分別在於, close frd一有吾多明白大家, 可能已電話contact去了解.

套戲講到HER會delete, 主角好lost, 但返去現實世界同隔居朋友面對面傾計! 咁, 如果, 突然通知, FB, wechat, whatspps, etc....放假後下星期一全delete! 你同我, 又究竟有幾多朋友會切切實實的keep contact?