印象深刻第一次自己煑野食比自己係十一歲, 再細d時應該一直吾俾入廚房之餘....細佬妹仲細; 所以阿媽煑飯時就要睇住佢地.
第一次, 到今日仲記得, 我係自己將d牛柳切成粒狀, 自己調味; 好記得除左豉油豆粉同糖之外, 我仲加左喼汁! 另外仲係冰格拎包粟米青豆解冰, 開鑊一邊先炒牛柳, 一邊開個煲煑公仔麵....牛柳炒兩三下再落d雜豆....三五分鐘d公仔麵 (果陣仲興過冷河)攪掂再加埋剛炒好既雜豆牛柳粒...........就食得!
我記憶中........係好好味!
我鍾意煑野食, 但吾叻, 吾識整d咩巧手野; 亦其實吾係由細煑到大! 一來, 廚房係我阿媽管轄區域, 你要攪佢個廚房, 佢實指東指西吾多滿意, 咁...大廚坐陣時, 就無謂獻醜兼博鬧! 咁...就算我一個人時....又覺得煑完得自己食好悶, 所以真係好少煑一人前!
不過, 有機會煑比愛吃的人時, 我都會下廚!
尤記得十多二十年前出走香港兩個月到加國一個從未住多過一星期既首都時....朋友既朋友們成班冇家長係身邊, 平日都係食過期can food, 燒成炭既雞翼, 未過期但應該變壞左既青豆湯, 怪味麥皮, 不同style的microwave food, 同埋新鮮煑起公仔麵之下............咁...吾介意的話, 不如我煑啦!
就係咁...我會一星期大概定每日煮乜, 吾想重覆之條make sure日日有肉有菜有湯. 咁...平時食過d乜又想試下煑既, 就乜都試! 其實煑既都係家常野, 冇難度; 愛煑既人應該都知, 最難最難最難既係點令所有餸差不多時候上枱而又...係....熱, 可以一齊起筷!
就係果時深深感受到, 原來有人欣賞你既野食, 真係睇住人食都好開心! 又咁...班嘩鬼friends就係知我開心, 日讚夜讚.....就有人煑埋比佢地食!
話時話, 人到中年, 越來越喜歡同一d鍾意食/鍾意煑既人交朋友. 試問, 世上有乜興趣係long lasting得過"食"?
曾經有過一個男友人, "食"對佢黎講只係填飽個肚, 有力有精神做野. 我接受當真係忙時好求其食, 填飽個肚就算. 但, 當每一日每一餐都係既時候............就吾同講法! 又咁, 如果因為經濟問題, 我明亦體諒, 但......果位男仕係無呢個問題.
咁...又再延伸到...我希望同我白頭到老的另一半係一位愛吃的人. 我希望我地其中一個既重點共同興趣係: 愛吃! 識吾識煑並吾係重點, 因為我識呀嘛! 但吾介意佢又識, 咁...........你煑一日我又煑一日; 你俾下意見我, 我又俾下意見你; 間吾中又出去周圍食....就咁, 就可以過一世!
沒有留言:
張貼留言