早陣子, 睇過一篇文: 四十後的友情策略 , 文中所講, 差不多全是我心中所想! 但, 我會覺得, 吾應該四十後才有此策略, [時間太寶貴了, 我不想浪費在不值得的人身上，也不想浪費在讓自己不爽的人身上。朋友，越來越珍貴的。] 我覺得, 三十歲後就應該開始逐步實行! 又正等知文中另有一連結提到有關[人生7個友情啟示].
我相信文中所講既所謂啟示, 都是一些普通common sense~~~~但, 當中講到let it go的友誼, 我發覺最難做到, 尤其要let go的不是一般的hi-bye friend. 是一些曾經感情深厚的. 要let go, 某程度上是不情不願. 就像文中所講: [人大了，不知是我還是他變了，你會發現你跟他相處很不舒服，你不認同他的待人接物，你發現跟他已經沒有共同語言，他對你來說，很陌生。通常這類都是曾經很好朋友的，真的很好朋友，而慢慢地，你真的覺得兩人距離越走越遠。]
好多時, 會堅持因為由細識到大/so-called出生入死/共患難, etc.....覺得點都無理由放棄呢個朋友既同時, 其實你又暗中覺得不爽; 你估你覺不爽既同時, 那位曾與你很好很好的朋友.....感覺又如何呢?
與其大家各自不爽, 斯斯磨磨的去磨滅大家一起建立的友情, 好來好去, 倒不如let go吧!
話說回頭, 關於"友情策略", 我父親大人係我還在很小的時侯曾經說過 (我相信係我八歲左右) : 呢個世界咁大, 咩國籍咩年紀咩職業有錢冇錢都可以做朋友, 做朋友既, 係吾需要亦吾應該只限定識某類型. 因為眼界應該放濶d. 當你既朋友層面越廣越濶時, 你就會學到何謂真正既朋友, 到時, 你自己就要識分辨; 朋友, 亦吾係要計算講利益, 你對人好, 人自然對你好! 在家靠屋企, 出外靠朋友; 除左屋企人之外, 就是朋友; 人, 係吾可以無朋友.
八歲前的我問: 識咁多朋友做乜, 即係除左我2A班要識之外, 我要走去識埋2B班? 佢地成班人都好衰嫁喎! 仲要去識六年班果d人? 要特登去識?
當時得到既答案: 總之你記住我講既野, 到時你就會知你就會明.
其實所謂既"友情策略", 就係隨緣. 隨緣地去認識社會各階層人仕做朋友, 但要懂明辨是非; 當一些朋友緣份已盡, 就要懂得放手.
某程度上, 這種友情之間之"放手", 同一對戀人之間如緣份已盡, 亦要懂得放手其實都是異曲同工.
沒有留言:
張貼留言