2016年~攰

攰.............





本人一向多病, 但touch wood的一向少病是福; 就算手傷後已冇去Thai boxing / TRX training...但亦不見得身子太弱..

但, 由年廿九晚半夜突然火燒喉嚨起..........一病到今天差不多新十五...

今次仲係全個人好虛弱的病.........一直覺得睇醫生不用別人相伴的我, 今年...on the way去診所時, 頭暈脚軟, 真係好想(需要)有人陪.

病重的同一時段, 不論公司, 屋企都有煩事要我處理, 煩事仍未解決下....四天前, 又到我家愛犬病倒, 仲...要入院, 今天己第四天....

煩事 x 2, 自己病, 愛犬病......從未試過整整兩星期肩背肌肉拉緊, 頭....不斷的似暈又似痛.....

我知我好需要休息, 但...又實在睡不安睡不穩;


我亦知所有家事公司的煩事未必百份百我本人可控制到, 但...就是日日在面對中....仲似乎一日比一日嚴重.

不熟我的朋友往往說我閒時旅行閒時學東學西, 好似退休又好似高層又吾似一般OL的做做做很輕鬆似的.

我想說, 你有你見我好輕鬆的一面, 我有我種種大壓力的另一面. 難度每天告知大家我由睜開眼那一刻起所面對的所有問題嗎? 又....習慣盡量報喜不報憂之下, 其實未壓力爆煲也只習慣自己面對.

有試過久不久找個疑似明白我的好友傾訴一下, 一解屈悶.......但, 更多換來是更多的不解及自討苦吃.

苦, 都是自己受吧! 曾有一友人提過, 要(想)明你的自然會明, 講過後吾明, 再解說所嘗的苦仍是不解, 就証明你根本找錯傾訴對象. 好多時找人訴訴苦未必是想別人代為解決問題, 想的就是有一位聆聽者, 肯陪肯聽, 當然適時有些意見亦可. 但重點是, 訴完苦後, 就算不立即變甜也應有舒服了點休息了點的感覺吧!

近日實在壓力爆煲中, 只感覺攰.................................


甜在那? 我想或者, 簡簡單單找個朋友, 什麼也不用說, 吃頓甜品吧!