不吃止痛藥的怪人

 

我係一個怪人! 係一個...頭痛到死.........都吾食止痛藥的人.

其實, 都吾太記得幾多年冇食過止痛藥. 咁...係咪代表我從冇頭痛, 肚痛周身痛? 又吾係播~~~

識得我吾洗耐既朋友都知, 我除左係慢熱人之外 (笑) , 我仲係一個玻璃人, 用玻璃造, 易碎易爛! 由細到大都多病痛, 就算近幾年多做運動強身健體後, 少左個個月都感冒之外...成個人由頭到腳指尾, 總有d野出問題. 當然都有各方面的"痛"!

好多時, 去見醫生, 佢為左了解清楚d我有幾痛, 習慣問: 你有冇痛到想食止痛藥呀?

琴日去睇牙, 當我提及我d牙都己經痛左我over 7日之後....佢又問:  你有冇痛到想食止痛藥呀? 我答: 無!

牙醫即時覺得, 無想食? 咁即係無幾痛啦! 咁, 應該冇乜野 ~~~

吓? 我一個月前只少少吾舒服黎睇, 排排排...到七日前本來由完全吾痛, 比佢整左少少preparation 後要我再等, 我痛左足足七日, 一日三餐每餐都一邊牙痛到咬吾到野, 咁.....叫冇....乜.....野?

當然, 我之後要再details d 去解釋, 我一向幾痛都吾食止痛藥, 所以, 你呢個問法, 實在對我無作用亦吾代我吾夠痛到去rating我有冇需要進一步去了解我既病況!

"痛感" 係好個人感覺, 忍耐力人人不同; touch wood我又未試過痛到必食藥的嚴重事情. 我吾知我算吾算忍耐力高. 但....今次, 以食野為興趣的人, 成個星期就算餓住, 想食, 但都痛到吾想咬任何野及求其食少少之下.....我有理由相信, 我既痛....應該吾係謹謹因為未去到想食止痛藥所以即係無事!!!

咁? 你做乜吾食?

咁? 如果我一痛就食? 治標吾治本之下.....牙醫你再details的問我:上次見完佢後第幾日痛, 痛幾耐, 咩位置痛, 痛感同之前少少吾舒服有乜吾同, 呢七日咩時間最痛.............

如果我一痛就食, 可以咁details答到你嗎?

吾洗多講都知, 總聽過身邊有朋友食止痛藥越食越重劑量先work! 我雖然已係中女, 條路仲漫漫長, 我仲想第日係真係有需要時, d藥吾洗太重劑量都幫到我!


又呢個point我係有切身根據:

我爺爺係二十多三十年前己過身, 過身時八十多歲. 年幼人仔的謹有記憶, 爺爺好健壯, 聽聞係七十多歲仲通山跑一個人周圍去. 父親大人話我地知爺爺只係臨過身前果六七年先病. 之前一直好健壯, 從冇乜病痛亦當然從冇點食過藥.

話說第一次以高齡重病入醫院, 因為 高齡關係, 醫生吾敢一下子開重劑量藥比佢, 怕佢承受吾到, 所以明知只開輕劑量既藥會拖長治療進度, 都要慢慢來.

但, 奇積發生, 只開輕劑量既藥不久己有明顯好轉, 醫生好吾明白之下向家人問過明白! 原來爺爺一向好健壯幫到之外, 一向極少食藥就是重中之重!

以上只係老生常談, 但, 現今社會個個求快, 即時見效, 只講現在, 將來的事將來先算!


將來, 總再有發明特效長效强勁止痛藥吧! 點解你咁痛都吾食粒藥呀? 一粒姐!


係呀! 你吾洗開比我, 我係一個不吃止痛藥的怪人, 一粒都吾食!