珍惜每次朋友聚會之記事

 

周末一連兩日都有朋友聚會, 當中好些朋友已有半年至九個月冇見.....

年紀越大越得要學懂珍惜, 珍惜家人相處時光不用多說, 我個人覺得更要珍惜朋友相聚一刻!

年紀不輕的我, 其中一個聚會居然係玩...通...宵!!! 四個人太耐無見, 只單單講下大家近况(家人, 工作,理想)已經有排講, 仲要上至天文(幾時有得返火星), 下至地理, 又講下馬榮成.....結論係太忙太充實到冇人抽到時間睇到錶玩電話...係一間不見天日的餐廳由夜晚八點多傾到朝早六點!

可能大多數人會覺得我地痴線, 但...明的就會明. 當然下次, 我會要求呢個馬拉松吹水會由下午間始較適合, 不景年紀不輕....通宵一晚, 可以暈番兩日@@

通宵一晚後, 小睡片刻後, 又外出見朋友, 係一個約左差不多兩個月的聚會.

帶着半夢半醒的身驅外出, 一心諗住碰個面食少少就走, 說明原因, 朋友們一定理解. 但....結果一碰面, 大家都嘻嘻哈哈, 其實乜攰都吾記得!

另外, 個天今年特別照顧我, 原本計劃好天氣的小郊遊, 因為早一兩日天氣預報話九成落雨, 所以改為到極近我家的地方食早午餐及室內走走. 因為以我的攰.....相信再郊遊必暈倒山頭.

到早上, 天氣居然是預報那一成的好天氣...原本怕令想小郊遊朋友失望...但, 午餐後在賽馬會創意藝術中心(http://www.jccac.org.hk/)悠閒走走.

老實說, 賽馬會創意藝術中心(JCCAC)其實冇乜好睇(參加workshop另計), 佢冇香港島那個一樣是活化舊樓的PMQ精彩(雖然巳開始偏向商業). 但, 食完野...當只係參觀呢幢活化工厦, 你會覺得好amazing的...明明出面30度又曬又熱, 但工厦內冇冷氣但可以陣陣涼風!

正當我們當散步的去享受涼風之際....又居然比我地碰到一位好有心的雕刻師, 好有心的講解佢的工作室及每一作品的故事. (如圖就是他的作品). 看完後我地再到地下中庭, 再看看他學生們的展覽.

今日因事發了個訊息問問他, 他立即多謝我們, 仲回覆一張相給我!! 原來佢見到我地成班朋友好有心的細看每一件展品, 佢特登映低, 想多謝我地!

就是這樣, 我過了好充實好開心的兩日, 多謝各位朋友!