人生旅程

人生, 就像一次旅程... 

[原文寫於2011年12月中]

早兩天出席一位近親的葬禮. 這位近親, 由我幾歲人仔時由"叔叔叔叔" 的叫, 到後來與我姨姨結婚後變成近親. 但, 仍改不了口, 多年仍叫他: 叔叔. 一轉眼, 咋天, 他升天了.

叔叔可算由細睇到我大, 但, 因某些原因, 近十多二十年, 未能碰上半面. 只在他患病後, 約半年前, 機緣下, 再從新聯絡. 家人往後亦有再與他見面, 可惜已在醫院.

至於我, 雖則他由細睇到我大, 但因中途中斷聯絡十多二十年, 他的離去, 是有可惜, 是有傷感, 但...感覺是有點陌生. 那傷感大多是看到姨姨, 表妹哭紅了眼後, 才替他們傷感的.

容許我說: 切身的傷感實在不大, 但, 葬禮上我還是有在心中默默的叫叔叔: 一路好走, 安息吧!

---

反之, 由再次碰面, 到昨天的葬禮... 令我在這幾天反思良多!

首先, 那世紀之碰面是緣於叔叔知道有病之後... 不確定主因病後對事 對人看破什麽, 或是因信主後得到某些啓發. 總而言之, 就是十多二十年之今年, 開開心心的再次碰面吧!

見証這次像普通聯誼, 但實際是世紀碰面...令我反思: 生命中亦有兩位原本好close的朋友, 今日因總總原因, 已成陌路人. 另外, 再有兩位, 不致於變成陌路, 但....亦不遠矣!

我會再同那兩位陌路人做回昔日好友嗎? 另外兩位, 未做陌路人前, 還可修保已破損之關係嗎? 我相信, [天下無不散之筵席], 就是這個意思吧!

---

至於那個令我感到可惜及點點傷感的葬禮, 令我再次看看仍在身邊的父母親. 他們有朝一日亦會行畢他們人生之旅, 到時, 我又會點呢? 想著想著...不敢再想, 只希望在他們這次旅程, 我盡量做好自己的角色, 令他們開心吧!

 不敢想他們, 但今次, 我敢想自己!! 往時亦曾想過多次, 但, 每次越想越怕....但今次又可以!
我在想: 以我一貫喜統籌各事之作風, 自己的事何不自己全權 統籌!! 一來合自己心意, 二來又不用太煩在生的人.

以下就是本人行完人生旅程後, 希望安排的事:

• 首先, 我又信主又信佛又信天... 我希望當日是無任何宗教之儀式, 簡單的捐布鮮花佈置就可以!
• 另外, 我好想播一段自己相片的video, 要全部都係開心相. 播片時可以有熟我既親友旁白, 但記謹不用太傷感, 小小OK的
• 一般宗教之 葬禮, 一定有part 詹仰遺容. NO, "N" "O" NO呀! 死樣有乜好睇, 睇完又傷心多次. 更何況...香港地d makeup, 應吾會有果套日本戲o甘...化到好似瞓左教兼白裏透紅. 吾好睇la...我要大家記住我開心的一面呀!
• 有d音樂la...基督教有人唱聖詩好吾錯, 但我無教派嘛! 播d舒服既音樂都可以!
• 最後, 火化後吾好放去咩寶福山之類啦, 要d後人親友黎見我好煩既...頭一兩年還可, 整整下...無人黎嫁啦! 不如海葬啦, 有心人向住個海咪見到我law! 我落海仲好, 環遊世界呀!! 正!!
• [update 左2014年] 本小姐一向大洗到暈, 但...都應該夠攪自己身後事, 兼有剩dd既, 果dd, 麻煩buddy友好幫我捐哂。所。有。錢去一d服務小朋友既NGO. 

大致安排係o甘啦, 吾知遲下有咩更改. 好似plan好之後, 到面對行完呢個旅程又好似輕鬆左dd!