百貨撞百客

我做果行, 成日會講"百貨撞百客"! 意即, 任何款式既衫, 總有人會鍾意, 總有知心友! 即係好似一間大型百貨公司 (*註一), 客人只要行入去, 除非佢根本一蚊都吾想用啦, 吾係的話, 總有野係佢啱既!

又或者, 港女d講, 係街成日見嫁, 你覺得既又醜樣又冇自己o甘靚既都有人錫兼晨早過你N年嫁人兼生仔啦! 但...你一定有問題要改善嗎? 佢又一定係咩都好嗎?



以"百貨撞百客"論, N年前暑期工, 老細見我鍾意畫畫, 斷定我一定有設計天份, 叫我幫手畫下"公仔"! 初時, 以為真係幫手畫.....搬字過字copy & paste的畫, 點知, copy左幾次後, 正職果個太忙.....要我幫手設計三兩款頂一頂!

我, 畫下無聊公仔/火柴人就叻姐......設計?! What the..... 是鬼但啦, 你叫我當畫平時d公仔o甘畫....fine! 如是者...吾理造工可吾可行, 成本高低, 甚至由平面變立體成衣後好吾好睇的去畫畫畫...

最後, 成衣出左黎之後........係好肉酸, 似小學生勞作多d! 但, 反正做左, 照擺出黎, 反正攝係幾百件衫入面, 吾覺既~~

但, 居然, 百貨撞百客, 有客落單, 仲......幾百件! 哈哈哈!!

同事老細都為我高興!

但, 老實講, 我無太大感覺. 因為當初去做呢個設計時, 我目的只係為完成老細比我既工作! 完成, 你又覺可以! (DONE!) 其也一切只係錦上添花, 尤其自知沒有設計天份.

又或者又跳番去人同人相處: 就算一個幾人見人愛的小朋友, 都總有人吾鍾意佢, 甚至係FB 攪個反乜乜乜的專頁出黎! 反之就算係大賊, 佢都有自己既朋友.

氣上心頭時, 明明自己天生麗質, 做乜人地邊個邊個咁都有男朋友錫自己無? 明明自己畫幅畫, 造件衫, 寫果個小說...好好, 自己好滿意朋友都讚好, 但.............阿邊個邊個要中傷我? 明明佢兩個講大話但........又o甘多人信佢?

氣上心頭時, 明明乜明明物........嬲一陣好啦!

百貨撞百客, 只要你自己問心無愧, 就夠~~




(*註一: 以前的百貨公司, 吾係宜家間間一樣)