戒煙

要戒煙的不是我, 因為, 我從來冇食過!


屋企人一向吾食煙, 但...十幾歲開始, 身邊朋友們統統開始食! 高峰期, 一圍枱12人, 11個都食! 閒時學校小息/走堂/唱K/督波/去賭場/打機..........都食!

由細到大, 大家有不同理由去食, 亦有更多更多理由叫我去食....當然, 包括d什麼, 你吾食就同我地吾係同類, 大家吾啱玩吾啱key呢d呆居理由!

吾太記得exactly自己同d frd講過d乜, 大致上係: 你有你地11個食, 我有我, 我吾管你食幾多, 你都咪理我半啖都吾會試, 覺得大家吾啱key你地下次出黎玩咪吾好叫我, OK喎!

咁上下啦, 當然吾係一輪咀向11個人講, 但大致上有o甘表達過!

就係咁......從此之後, d frd都係keep住叫埋我去玩, 仲會好"體貼"的吾會將d煙噴向我! 當然心諗, 吾向我噴只係無食二手煙食得o甘應姐, 其實要清新空氣就無可能嫁啦! 但, 我都 appreciate佢地既 "體貼"既!

講真, 就算當年我年少無知, 都從冇一刻覺得食煙有幾好有幾型 (佢地自己覺) 仲暗暗好想佢地食少支甚至戒煙. 但, 當然我冇講過半句! 一來, 十幾歲叫人注意身體健康戒煙好鬼老土. 佢地又話食煙可解千愁....咁, 我果陣冇乜愁, 吾明亦吾想明, 是鬼但啦! 你話係就係啦!

十幾歲都冇叫人去戒, o甘....人到中年d人更多愁, 煙齡更長更難戒啦!  家下又提"身體健康"好緊要? 你長吾長氣講足幾廿年呀? 都話左我吾怕食煙生cancer死囉, 做人o甘愁, 食支煙仔姐, 我死又吾係你死, 咪煩啦! 我吾向你吹d煙咪得囉! 哦 ~~

其實, 我冇真係長氣去叫人戒既, 以前吾會, 宜家更吾會, 啱timing提下一句半句就有!

反而, 早陣子一多年朋友, 十幾歲開始食, 突然同我講, 佢有一日覺得食夠, 一星期戒左! 為自己更為屋企人! 聽到, 真心覺得好感動, 好老土地要同佢捉實隻手支持佢, 握足30秒先肯放手!

咋日, 同另一多年朋友提起呢位共同朋友, 多年朋友話, 佢都想戒, 但近來好愁, 要食煙减壓, 遲d先... 再者,  共同朋友有兩個小朋友, 目標明確, 一定易戒到過佢!

我冇多講一d乜...吾知阿媽係女人既戒煙有幾好既例子, 只係話: 除非你係呢個世界真係冇人冇物, 如果吾係, 你身邊人有起咩事, 你冇健康既身體點去take care佢地?

簡單如一個食煙多年同一個完全冇食煙表面健康既人, 夾一夾手指就check到佢兩個既血液中既含氧量, 一定有分別吧!


好啦, 就算你話你無人要你親身去照顧; 但....食煙可以有既病吾洗講啦, 又話老土啦, 又話邊個邊個食左幾十年都冇cancer喎, d煙包外既相梗係懶係跨大啦! 係, 我知... 都係果句: 有健康既身體就萬事都好! 


最後最後: 食煙的朋友們, 少食d 甚至戒鬼左佢啦! 仲食緊既....吾好噴向我就好! ;)