今日係友人結婚紀念日, 特別隆而重之在此出文恭賀!
諗諗下.....乜佢結左婚兩年....因為, 佢結婚當日, 我相信除左佢老婆覺得件事係真實之外, 在場每一位賓客(包括佢家人)都無一個人信係事實! 就算果日親眼見佢結得成, 都無人相信佢會有紀念日...
現今社會, 無論港聞版娛樂版甚至係就近身邊既各方親朋戚友...結婚吾夠幾個月至一年半載離婚多的是. "離婚"兩字已吾係上一代人所覺得既一件負面既大件事, 甚至乎有時, 知道朋友"終於"可以離到婚, 係一種解脫, 要恭喜佢添!
上一代人就算明知兩個人之間有幾吾夾幾憎恨對方都好, 都吾會輕易講離婚! 堅持吾講離婚好, 定....結婚吾夠幾個月至一年半載離婚好?
無野係絕對, 而我個人覺得係取決於個心態!
本人, 未婚; 曾經有人問過下我不如去簽張紙 <應該吾係發夢卦...>, 但, 未嫁!
一個未婚中女去講婚姻似乎關鬼我事....但, 就正正因為中女, 身邊case多的是:
有拍拖十年八載準備結婚, 突然是但一方總有d野吾成事 (有d野==>自己無限去想吧!); 吾成事後又總有一方有目標(去結婚)地好快揾到第二春, 結婚生仔買樓一個套餐的.....happy ever after!
有d就結婚吾夠幾個月至一年半載就話離婚, 當中有d, 一轉眼又揾到第二春, 仲拿拿林攪另一個套餐出來!
另一d係結婚三五七年, 你以為佢happy ever after, 原來暗藏危機 冇小朋友既都還好, 少樣野去顧. 有的話....請問呢個世界有幾多個謝賢狄波拉離左婚仲可以帶埋老公約亞前夫同女友再加埋d仔女出來o甘友好?
再有d係六十有多有仔女有埋孫先去離婚, 離完又走去結, 再生兩名, 兩個女仲要細個d孫....
離婚既case咁上下啦....同年紀婚齢可以講得上完全無關!
至於結婚, 有d睇佢一早結啦吾係吾結呀.............就仲見佢單身貴族般仲好enjoy自己住/同居生活! 有d, (包括今日結婚紀念日的友人), 一向話吾會結婚的............無端端走黎派帖! 吓? 你係咪真呀? 吾會cheap到為左禮金去結婚喎, 我寫至少一年期票比你嫁喎!
又有一班朋友, 統統 long distance relationship 的....keep keep下結婚生仔買樓一個套餐的happy ever after!
其實, 單身拍拖同居結婚離婚...咩status都好, 無話絕對好與壞, 只有適吾適合.
除左留意身邊友人既種種之外, 早陣子同20對年齡層係60+既老友記couples日對夜對一個月旅行, 再三親身體驗到要好好維持一段婚姻, 其實都係離不開一啖砂糖九啖屎的"道理"; 只要果一啖砂糖係頂到果九啖屎....其實你揾第二春都會係一樣!
結婚生活係活係現實, 不論你有錢冇錢, 現實統統就係柴米油鹽既瑣碎事...當然, 每個人既接受能力吾同, 如果你係一個嗜甜既人, 當然, 果一啖砂糖吾會夠, 要五啖先得!
心態上我覺得吾好去期望一個人婚前婚後係基本性格上相處上要有咩突發性既改變, 人不是機器, 簽完張紙吾等如click左個制, 一click就由周身郁冇時停變做日日坐係屋企仲幫手做埋家務.....
另外又有d婚前好愛好愛, 簽完張紙吾夠一年半載就話吾愛要去離婚............我想問: 其實真係有幾愛?
"Happy ever after"吾係童話, 現實都可以有, 但就一定要雙方努力去維持. 我總覺得, 只要兩個人價值觀, 目標係一致的想happy ever after, 而又吾介意輪住食吾知幾多啖屎的話, 一定可以白頭到老的。
當然, 如果...果d屎係一d不能接受既事情, 離婚當然會係一個解脫 ~~~
最後最後: 祝我呢位無脚雀仔周年快樂, 去cash out張期票吧!
沒有留言:
張貼留言