其實, 今年西曆8月7號已立秋, 意即秋天巳開始....今日已9月8號, 整整一個月都全不覺有秋意....想當年, 9月開學, 無幾耐已有開始有秋意, 夏天校服裙外已需要加件背心. 就係呢種涼涼天氣包圍之下, 好快會知道係中秋節!
以前係香港讀書, 家教甚嚴 (其實宜家幾廿歲都係 =.=") 直到中三, 都一定吾會俾自己同朋友去遠少少既街....我可以去既, 只限於學校, 屋企屋邨附近. 遠d既.....除非你有"好足夠"理由去support你, 吾係的話, 上頭一定吾批!
又所以, 想當年, 我唯有揾d野啱係屋企屋邨附近玩.....最啱既就踩roller, 著對鞋, 周屋邨踩就係啦! 另外一樣就係乒乓波, 屋邨大把石枱吾洗book, 你夠早去霸枱就可以! 呢兩樣活動又吾洗錢, 啱哂冇乜零用既學生妹啦! 又所以....我N年前小學一二年級已幾叻玩呢d!
再大d多d零用就進展去屋企附近荔園比入場費溜冰同無限次玩海盜船! 想當年, 荔園就執, 係一個價任玩園內既所有野! 包括溜冰場連租鞋! 又......所以, 我N世紀前巳自學溜冰, 又N世紀前已玩海盜船玩到盲目左! 好多時溜冰前後咪坐下海盜船當吹下風!
以上種種都係日光日白可以批我可以做既野, 但.....夜晚, 就算大到中三, 你諗都吾好諗你可以入紙申請任何野! 咪傻~~~
唯一, 唯一係中秋, 中秋賞月一定係夜晚嘛.....中秋節係唯一既一晚夜晚可以自己同d朋友仔去街! 係........吾洗入紙申請都自動批准, 唯一...........自己醒少少, 12點前好返屋企啦!
果陣, 呢日全年一晚之特赦, 我又好乖嫁喎, 其實都真係只去屋企附近同朋友賞月同吹水, 因為我真係鐘意睇星睇月亮睇夜空, 真係enjoy賞月!
但今年香港呢幾日天氣麻麻....人越大朋友間亦各有各忙, 單純真係enjoy賞月的朋友我相信冇乜幾多位, 今年抬頭望明月之機會應該頗低! 唯有揾番上年友人拍到的"外國月亮特別圓"再看看吧!!
呢個月亮令我掛住外國的天空.......之前每年Summer過去, 都去wild camp, 例必晚晚望住我最愛的星空......睇番呢張月亮相, 我先醒起, 今年過去差不多20日, 我完全吾記得左enjoy一下果個一片星海的天空!! 就算冇wild camp, 都應該出外走走吧!! too late~~~~
沒有留言:
張貼留言