圖中的麥當當現金卷及心心放係銀包............ 應該有一年! 一年前跟朋友深水埗區派飯盒, 到荃灣區之橫街窄巷派福袋, 送心心, 分享麥當當現金卷. 其他友人見我FB share, 覺得我同我d朋友好有心, 疑似好好人~~~~ 但, 其實...我有人陪一班人就敢去橫街窄巷揾有需要既人分享物資; 得我一個時, 雖然留意到, 但.........真係吾敢.
好多時都見到有人揾垃圾桶, 坐街...好想試下走埋去分享一直袋係銀包既心心同禮券. 但......就係驚, 吾敢行出第一步! 朋友有remind過我, 獨自行動要小心, 因為有d, 可能真係神經失常, 叫我睇定d!
佢吾講由自何...講一講仲驚 ~~~ 所以d心心同禮券亦一度放左係屋企.
早陣子八月之旅回港後, 調整心情之時再次見到....一年前買定摺定, 一鼓雄心壯志吾通自己食左佢?? 吾得 XXXXX 我要先.......放番落銀包!
到今日, 下午外出時, 一手拎住大大件郵件準備去寄時, 見到一個衣衫襤褸, 烏糟邋遢既男人係垃圾桶揾緊野! 呢個阿叔, 我係公司附近見過好多次; 自己, 亦避過佢好多次! 有時, 佢會自言自語, 有時, 佢會拖住一大推野好似拖狗o甘遊街. 通常d人都避開佢..就好似我o甘!
今日又見到佢, 因為隻手太大件野拎住 (亦係值口), 同自己講, 寄完返來再見你, 我。會。揾。你! (講過都好幾次!)
寄完, 回程, 完全無左件事亦當然無去揾佢, 頭dup dup拿拿聲返公司..........眼尾見到佢仲係果條街, 剛係垃圾桶揾到個飯盒之類既東西走緊! 而我, 本已過左馬路, 諗左兩秒.......決定行出第一步!!
未試過行呢條路會心跳加速!!! 行埋去.....同佢講: 我請你食麥當當, 呢度有4張, 1張10蚊! 佢冇答我, 只係"up"下個頭好似明! 我加多句: 你係咪識嫁? 真係識? 同埋個心心送俾你呀!
之後我就走左 ~~
行完第一步後.....冇幾驚姐! 下次見佢, 要講多兩句, 要make sure佢真係真係明先得!!
後話: 今日除左決定呢個第一步之外亦係另一件事希望自己可以做到的第一天, 兩件事都係好既開始, 特此記下!
沒有留言:
張貼留言